Vís undanfarnu úrslit
Tranthavmús
Rhinochimaera atlantica
Tranthavmús er spísk í báðum endum, tjúkkast um bulin. Hon hevur tvær ryggfjaðrar, tann fremra stutt og høg við stórum píki frammanfyri. Aftara ryggfjøður er long og lág. Hon hevur stórar uggafjaðrar. Hevur ikki stert, men langan og klænan hala. Hann er ikki so langur sum á summum øðrum havmúsum. Oman á ovaru halafjøður eru nakrir heilt smáir pinnar ella finnur. Sermerktur er hin langi tranturin, ið stingur fram úr høvdinum. Kjafturin er lítil og situr væl fremri enn eyguni. Sansigøgn í strikum um alt høvdið, umframt striku aftur til halan.
Útbreiðsla
Tranthavmús fæst í øllum tí djúpa sjónum sunnan fyri og vestan fyri Føroyar. Undir Íslandi um Føroyar til Biskeiavíkina, Vesturafrika, Namibia til Suðurafrika. Í Vesturatlantshavinum er hon frá Nova Scotia til New England.
Stødd
Tranthavmús verður upp í 140 cm í fullari longd, ella 90 cm til aftara enda á aftaru ryggfjøður.
Dýpi
Hon er úr 500 m niður á 1500 m.
Litur
Hon er ljósbrúnlig á baki og síðum, ljósari ella gráhvít undir búkinum. Stórar tranthavmýs fiskaðar á djúpum vatni hava mjólkarvatnslit. Fjaðrarnar eru myrkari enn bakið.
Eyðkenni
Kjafturin er væl fremri enn eyguni. Tranthavmúsin hevur nakrar smáar vøkstir upp úr stertafjøðurini. Nevhavmúsin hevur teir ikki. Tranturin gongur fram úr enninum, heldur enn úr yvirkjaftinum, sum á nevhavmús.
Týdningur
Hon hevur ikki vinnuligan týdning.
Nøvn á fiski á øðrum máli
| Før: | Tranthavmús |
| Lat: | Rhinochimaera atlantica |
| Eng: | Knifenose chimaera, Spearnose chimaera, Straightnose rabbitfish |
| Fra: | Chimére couteau, Chimére á nez mou |
| Ísl: | Trjónufiskur |
| Jap: | Nishi-tenguginzame |
| Spa: | Quimeras elefante, Chimère nez lance, Narigón sierra |
| Sve: | Långnosad havsmus |
| USA: | Knifenose chimaera |
Vit viðmæla
Viðkomandi tíðindi
Jákup Sverri liðugur við sildakanningar
Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…
Svartkjaftakanningar sunnanfyri
Ekkókanningar av svartkjafti sunnan fyri Føroyar og suður í bretskan og írskan sjógv vóru gjørdar í tíðarskeiðinum 20. mars til 5. apríl 2024. Ekkóvirðir (nøgd) av svartkjafti, Jákup Sverri 20/3-5/4…
Framvegis nógv av toski á Føroyabanka, sum tó er rak í mun til onnur ár
Árligu vár-yvirlitstrolingarnar á Føroyabanka vóru gjørdar tann 13.-17. mars 2024 við rannsóknarskipinum “Jákup Sverra”. Einans 13 trolstøðir av 29 vórðu kannaðar í ár, av tí at Jákup Sverri fekk tekniskar…
Eitt vet meira av toski á føroyska landgrunninum
Rannsóknarskipið “Jákup Sverri” hevur gjørt ta árligu váryvirlitstrolingina á føroyska landgrunninum, har 100 hál á ein tíma vóru tikin. Tað var framvegis sera lítið at fáa av toski, men kortini…
