Vís undanfarnu úrslit
Mjáangi
Sagamichthys schnakenbecki
Mjáangi er hægstur og breiðastur um nakkan, mjækkar aftur til ta høgu klingruna. Høvdið er minni enn 1/3 av standardlongdini. Hann hevur stór eygu, og gronin er styttri enn eygnatvørmátið. Kjaftbeinið kemur aftur til aftaru eygnatrom, ella beint afturum. Ryggfjøðurin situr aftarlaga á bakinum. Gotfjøðurin er umleið hálva ryggfjøður aftari. Búkfjaðrarnar eru aftanvert miðjan fiskin. Hann hevur smáar uggafjaðrar og sýldan stert. Ljósgøgn eru undir búkinum, sporlinum og millum uggafjaðrarnar. Ein lítil angi er í skræðuni beint oman fyri uggafjaðrarnar. Hann hevur onga roðslu á kápuni.
Útbreiðsla
Mjáangi er sunnan fyri ryggirnar Grønland/Skotland til Biskeiavíkina. Hann er úti í Atlantshavinum, við Madeira,Grønhøvdaoyggjar og Asoroyggjar og suður til Namibia. Hann er fingin nakrar ferðir á Íslandsrygginum og við bankarnar vestanfyri.
Stødd
Mjáangi verður upp í umleið 25 cm, kanska longri, vanliga millum 15 cm og 20 cm.
Dýpi
Hann er millum 365 og 1200 metra dýpi.
Litur
Hann er javnt dimmur, dimmbrúnligur.
Eyðkenni
Lítli angin oman fyri uggafjøðurina og ljósgøgnini, støddin og liturin. Fremstu tenninar í yvirkjaftinum eru ikki stórar og framrendar, sum í øðrum angum.
Týdningur
Mjáangi hevur ikki vinnuligan týdning.
Nøvn á fiski á øðrum máli
| Før: | Mjáangi |
| Lat: | Sagamichthys schnakenbecki |
| Dan: | Schnagenbecks skulderlysfisk |
| Eng: | Schnakenbecks searsid |
| Ísl: | Ránarangi |
Vit viðmæla
Viðkomandi tíðindi
Jákup Sverri liðugur við sildakanningar
Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…
Svartkjaftakanningar sunnanfyri
Ekkókanningar av svartkjafti sunnan fyri Føroyar og suður í bretskan og írskan sjógv vóru gjørdar í tíðarskeiðinum 20. mars til 5. apríl 2024. Ekkóvirðir (nøgd) av svartkjafti, Jákup Sverri 20/3-5/4…
Framvegis nógv av toski á Føroyabanka, sum tó er rak í mun til onnur ár
Árligu vár-yvirlitstrolingarnar á Føroyabanka vóru gjørdar tann 13.-17. mars 2024 við rannsóknarskipinum “Jákup Sverra”. Einans 13 trolstøðir av 29 vórðu kannaðar í ár, av tí at Jákup Sverri fekk tekniskar…
Eitt vet meira av toski á føroyska landgrunninum
Rannsóknarskipið “Jákup Sverri” hevur gjørt ta árligu váryvirlitstrolingina á føroyska landgrunninum, har 100 hál á ein tíma vóru tikin. Tað var framvegis sera lítið at fáa av toski, men kortini…
