Aftur til 
Vís undanfarnu úrslit
Liparis montagui
Lítli súgfiskur er minni enn stóri súgfiskur, hevur tveir nasagluggar, ið eru minni útrendir og upprendir enn á stóra súgfiski. Hann hevur eina ryggfjøður, eina gotfjøður og stórar uggafjaðrar. Búkfjaðrarnar eru umskapaðar til ein súgvikopp, ið er nakað størri enn eygnatvørmátið.
Lítli súgfiskur er undir Føroyum og Íslandi, annars fram við landi frá Bretagne og Bretsku Oyggjunum til Noregs, Svalbarðs og í Hvítahavið. Hann er í Norðsjónum, Skagerrak og Kattegat.
Stødd
Lítli súgfiskur kann verða upp í 12 cm langur, men er sjáldan longri enn 8 cm.
Dýpi
Hann er úr fjøruni og út á 30 metra dýpi, á grótbotni í taranum.
Litur
Litir og blettir eru broytiligir, men ofta hevur hann ‘keðiligan’ grábrúnan lit. Hann hevur ljóst royggj.
Eyðkenni
Hann er kvapsutur og bleytur. Hevur bert tveir nasagluggar. Hvørki gotfjøður ella ryggfjøður eru samanvaksnar við stertin. Súgvikoppurin er størri enn eyguni. Gotið er nærri súgvikoppinum enn gotfjøðurini.
Týdningur
Lítli súgfiskur hevur ikki vinnuligan týdning.
| Før: | Lítli súgfiskur |
| Lat: | Liparis montagui |
| Dan: | Særfinnet ringbug |
| Eng: | Montagu’s seasnail |
| Fin: | Montagun imukala |
| Fra: | Limace de Montagui |
| Ísl: | Litli sogfiskur |
| Jap: | Kusauo |
| Ned: | Montagu’s slakdolf |
| Nor: | Kystringbuk |
| Pol: | Tlusciel |
| Rus: | Liparis |
| Sve: | Tångringbuk, Montagus sugfisk |
| Týs: | Kleiner Scheibenbauch |
Tað frættist, at bátar fáa nógvan fisk á várróðrinum í ár. Gýtingartíð er, og tí er meginparturin av toskinum á føroyska landgrunninum savnaður á gýtingarøkjum. Hesi økini eru, har bátarnir…
Tann 13. desember 2024 lat Havstovan Fiskimálaráðnum tilmæli um fiskiskap eftir toski, hýsu og upsa í 2025. Hýsustovnurin er enn væl fyri, og upsastovnurin er eisini oman fyri fyrivarnismørkini. Fyri…
Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu stovnsmetingarnar av hesum fiskastovnum. Tilmælini kunnu lesast á heimasíðuni hjá…
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…
Mánadag – hósdag: 09.00 – 16.00
Fríggjadag: 09.00 – 15.30
Tlf: +298 35 39 00
