Aftur til 
Vís undanfarnu úrslit
Sebastes viviparus
Lítli kongafiskur er hávaksin fiskur. Hann hevur eina ryggfjøður, teir hørðu teinarnir eru fremstir, eina gotfjøður, har eru teir hørðu teinarnir eisini fremstir. Uggafjaðrarnar eru nakað stórar og rundligar. Búkfjaðrarnar eru nakað minni. Hann hevur lítla beinknútu fremst á undirkjaftinum. 5 beinpíkar eru á kápuni. 11-13 roðslur eru í eini linju upp og á skák frameftir frá aftara enda á gotfjøðurini til strikuna. Eygnatvørmátið er størri ella eins stórt og longdin fremst av undirkjaftinum til eygað (kjafturin saman). Kongafiskasløgini fáa livandi ungar.
Lítli kongafiskur er allan vegin fram við norsku strondini suður til Skagerrak, Miðonglands og Írlands, á Rockallbankanum, norður móti Føroyum, undir Føroyum, á Suðurlandinum og Vesturlandinum í Íslandi. Hann sløðist til Grønlands.
Stødd
Lítli kongafiskur verður upp í einar 35 cm langur, men vanliga liggur hann um 18-25 cm.
Dýpi
Hann er úr 10 metra dýpi niður á 750 metra dýpi, men vanliga grynri enn 300 metrar.
Litur
Hann er reydligur, appilsinlittur um bakið og síðurnar. Hann er nakað ljósari undir búkinum. Oftast hevur hann nakrar myrkar, óregluligar blettir á síðunum og tykist tá grómutur. Ein dimman blett hevur hann ovast á kápuni.
Eyðkenni
Hann líkist mest stóra kongafiski og trantkongafiski. Tann niðasti av teimum 5 píkunum á kápuni vísir á skák niður aftureftir.
Týdningur
Hann hevur ikki havt vinnuligan týdning.
| Før: | Lítli kongafiskur |
| Lat: | Sebastes viviparus |
| Dan: | Lille rødfisk |
| Eng: | Norway haddock, Redfish, Small redfish |
| Fin: | Pieni kuninkaankala |
| Fra: | Petit sèbaste |
| Grø: | Suluppaagaq (spp) |
| Ísl: | Lítli karfi |
| Nor: | Lusuer, Uer |
| Pol: | Karmazynek |
| Rus: | Malyj morskoj oku’n |
| Sve: | Liten kungsfisk |
| Týs: | Kleiner Rotbarsch |
| USA: | Norway redfish, Norway haddock, Norwegian redfish |
Tað frættist, at bátar fáa nógvan fisk á várróðrinum í ár. Gýtingartíð er, og tí er meginparturin av toskinum á føroyska landgrunninum savnaður á gýtingarøkjum. Hesi økini eru, har bátarnir…
Tann 13. desember 2024 lat Havstovan Fiskimálaráðnum tilmæli um fiskiskap eftir toski, hýsu og upsa í 2025. Hýsustovnurin er enn væl fyri, og upsastovnurin er eisini oman fyri fyrivarnismørkini. Fyri…
Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu stovnsmetingarnar av hesum fiskastovnum. Tilmælini kunnu lesast á heimasíðuni hjá…
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…
Mánadag – hósdag: 09.00 – 16.00
Fríggjadag: 09.00 – 15.30
Tlf: +298 35 39 00
