Vís undanfarnu úrslit
Edlafiskur
Bathysaurus ferox
Edlafiskur er mjávaksin fiskur, høvdið er flatt, og gronin minnir um krokodillunev. eyguni eru smá og sita út móti hvørji lið á skøltinum. Fremri rundingur á eyganum situr yvir miðjuni á kjaftinum. Hann er roðslusettur líka úr klingruni fram móti eygunum. Hann hevur næstan beina striku frá kápuklovinum aftur í klingruna. Uggafjaðrarnar eru langar, og mittasti teinur er sjónliga longstur. Ryggfjøðurfestið er langt, um tvær ferðir gotfjøðurfestið. Ryggfjøðurin er umleið líka høg sum bulurin og byrjar beint yvir búkfjaðrunum. Hann hevur eina gotfjøður. Miðalstóran, eitt sindur sýldan stert. Stóran kjaft við nógvum hvøssum tonnum.
Útbreiðsla
Hann er undir Íslandi og úr Davisfirði til Suðurafrika og Brasil. Í indiahavinum og Kyrrahavinum. Hann er fingin vestur av Føroyabanka á umleið 700 metra dýpi, út av Lúsabanka á 1800 m dýpi, út av Bankarygginum á 730 metra dýpi, og á Íslandsrygginum á 500-700 m dýpi.
Stødd
Edlafiskur verður upp í 67 cm langur, vanliga er hann um 55 cm.
Dýpi
Hann er botnfiskur á dýpum úr 600m niður á 3500 m ella enn djúpari.
Litur
Hann er gráligur, grásvartur.
Eyðkenni
’Krokodillunevið’, nógvu og hvøssu tenninar og langi teinurin mitt í uggafjaðrunum.
Týdningur
Edlafiskur hevur ikki vinnuligan týdning.
Nøvn á fiski á øðrum máli
| Før: | Edlafiskur |
| Lat: | Bathysaurus ferox |
| Dan: | Dybhavsøgle |
| Eng: | Deepsea lizardfish |
| Ísl: | Vargakjaftur |
| USA: | Deepsea lizardfish |
Vit viðmæla
Viðkomandi tíðindi
Jákup Sverri liðugur við sildakanningar
Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…
Svartkjaftakanningar sunnanfyri
Ekkókanningar av svartkjafti sunnan fyri Føroyar og suður í bretskan og írskan sjógv vóru gjørdar í tíðarskeiðinum 20. mars til 5. apríl 2024. Ekkóvirðir (nøgd) av svartkjafti, Jákup Sverri 20/3-5/4…
Framvegis nógv av toski á Føroyabanka, sum tó er rak í mun til onnur ár
Árligu vár-yvirlitstrolingarnar á Føroyabanka vóru gjørdar tann 13.-17. mars 2024 við rannsóknarskipinum “Jákup Sverra”. Einans 13 trolstøðir av 29 vórðu kannaðar í ár, av tí at Jákup Sverri fekk tekniskar…
Eitt vet meira av toski á føroyska landgrunninum
Rannsóknarskipið “Jákup Sverri” hevur gjørt ta árligu váryvirlitstrolingina á føroyska landgrunninum, har 100 hál á ein tíma vóru tikin. Tað var framvegis sera lítið at fáa av toski, men kortini…
