Vís undanfarnu úrslit
Lívfrøðiligar kanningar av makrelveiðu
Tá stovnsmetingar verða gjørdar av t.d. makreli, er ein av høvuðskeldunum veiðitøl frá fiskiskapinum. Tí er umráðandi at fáa sýni av veiðuni til Havstovuna, soleiðis at longd og aldur á fiskinum kann staðfestast. Hesi sýni skulu tí verða umboðandi fyri fiskiskapin, bæði fyri árstíð og fiskiøki.
Um hálvan januar fekk Havstovan eitt sýni av makreli, sum Hoyvíkingur hevði fiskað í ES-sjógvi nakað sunnan fyri føroyska markið.
Tá Havstovan tekur lívfrøðilig sýni av fiski, verður fiskurin longdarmátaður og vigaður, og búningarstig og kyn verða skrásett. At enda verða nytrurnar tiknar úr fiskinum – síðani verður aldurin lisin í nytrunum. Tá stovnsmetingin av t.d. makreli verður gjørd, skal øll veiðan gerast upp sum veiða av hvørjum aldursbólki sær, og tí er alneyðugt, at vit kenna aldursbýtið í veiðuni.
Til endaligu stovnsmetingarnar verður aldursgreinað veiða gjørd upp fyri hvørt fiskiøki og ársfjórðing sær. Um fleiri sýni eru fingin í einum ársfjórðingi, verða hesi sýnini løgd saman, áðrenn veiðitølini verða uppgjørd.
Viðkomandi tíðindi
Infektión av Makreli við Anisakis-rundormi
Grein er júst komin út í vísindatíðarritinum ‘FISHERIES RESEARCH’ um Anisakis-rundorm í makreli. Henda grein er ein partur av teim úrslitum, ið komu burturúr kanningunum innan eina FP7-verkætlan 2012-14 um…
Lívfrøðiligar kanningar av makrelveiðu
Tá stovnsmetingar verða gjørdar av t.d. makreli, er ein av høvuðskeldunum veiðitøl frá fiskiskapinum. Tí er umráðandi at fáa sýni av veiðuni til Havstovuna, soleiðis at longd og aldur á…
Økt makrelgýting í føroyskum havøki
Tíðliga í summar var Havstovan við í umfatandi kanningum av gýting hjá makreli. Hetta verður gjørt við at telja hvussu nógv rognkorn av makreli eru í sjónum. Úrslitini frá kanningunum…
Kudoa í makreli
Nakrir makrelar gerast bleytir og ónýtiligir til matna, hóast teir eru snarkøldir umborð. Orsøkin er infektión við Kudoa, sum ger tann størra fiskin bleytan eftir at fiskurin er deyður. Hetta…
