Vís undanfarnu úrslit
Jákup Sverri ger makrelkanningar
Síðstu tvær vikurnar hevur Jákup Sverri luttikið í altjóða makrelkanningum saman við íslendingum, norðmonnum og dønum. Tó at kanningarnar hava verið nakað darvaðar av veðri, hevur Jákup Sverri higartil tikið 19 støðir. Á hvørji støð verður trolað eftir makreli og sild, umframt at æti- og umhvørviskanningar eisini verða gjørdar.
Mynd 1: Veiða av makreli (grønt) og sild (reytt) hjá Jákup Sverra.
Makrelveiðan í hvørjum háli hjá Jákup Sverra hevur ligið millum 2 kg og 20 tons, meðan lítið hevur verið fingið av sild, sí Mynd 1.
Kanningarnar eru í tíðarskeiðinum 30. juni -7. august, og í løtuni eru Árni Fríðriksson úr Íslandi, Vendla og Eros úr Noregi og Ceton úr Danmark úti saman við okkum, sí Mynd 2. Øll skipini brúka sama slag av multpelt-troli, sum er ment til makrelkanningar. Trolúrslitini frá norsku skipunum síggjast her.
Mynd 2: Kort yvir økið har makrelkanningarnar verða gjørdar. Kanningarøkið hjá Jákup Sverra er merkt við hvítum strikum á kortinum. Kósin hjá Árna Fríðriksson er blá, Ceton turkis, Eros grøn og Vendla gul. Kanningarnar í kanningarøkinum vestur móti Grønlandi byrja seinni.
Viðkomandi tíðindi
Minni av makreli í Norðurhøvum
Makrelkanningarnar í juli vístu, at minni av makreli er í Norðurhøvum enn undanfarin ár. Vísitalið er tað minsta síðani 2007. Samanborið við í fjør er minkingin umleið 40 %. Mest…
Jákup Sverri liðugur við makrelkanningar
Mánadagin 17. juli kom Jákup Sverri aftur av árligu makrelkanningunum norðanfyri. Makrelur var fingin víða um í kanningarøkinum, men fyri tað nógva í smáum nøgdum. Ábendingar vóru um, at útbreiðslan…
Jákup Sverri ger makrelkanningar
Síðstu tvær vikurnar hevur Jákup Sverri luttikið í altjóða makrelkanningum saman við íslendingum, norðmonnum og dønum. Tó at kanningarnar hava verið nakað darvaðar av veðri, hevur Jákup Sverri higartil tikið…
Makrelgýting við Føroyar kannað
Í mai kannaði Jákup Sverri makrelgýting á leiðunum sunnan og vestan fyri Føroyar. Flest makrelegg vóru at síggja fram við hellingini á europeiska landgrunninum, og annars sunnarlaga í kanningarøkinum. Í…
