Vís undanfarnu úrslit
Grønlendski landsstýrirsformaðurin á vitjan á Havstovuni
Fríggjardagin 10. juni var grønlendski landsstýrisformaðurin, Múte Bourup Egede, á vitjan á Havstovuni saman við løgmanni, Bárði á Steig Nielsen.
Grønlendski landsstýrisformaðurin var í Føroyum í sambandi við ríkisfund og nýtti tá høvið at vitja Havstovuna og kunna seg um tað samstarv, sum er millum grønlendskar og føroyskar granskarar innan virkisøkið hjá Havstovuni.
Marita Rasmussen, stjóri greiddi frá virkseminum og endamálinum hjá Havstovuni og Hjálmar Hátún, granskari greiddi frá sínari gransking um havstreymar í Norðuratlantshavi og veðurlagsbroytingar. Eisini bleiv kunnað um samstarvið millum Grønland og Føroyar í granskingarhøpi, endaðar og núverandi verkætlanir, umframt at víst varð á framtíðar samstarvs- og granskingarmøguleikar.
Havstovan takkar fyri vitjanina og møguleikanum at greiða frá virkseminum á stovninum.
/
Viðkomandi tíðindi
Fundur um Norskahavið á Havstovuni
Mikudagin 22. november vóru áhugapartar frá stovnum og vinnu boðin til fund um Norskahavið á Havstovuni. Endamálið var at kunna um gransking í Norskahavinum og eisini at spyrja áhugapartarnar um,…
PhD skeið um havklima og vistskipanir væleydnað
PhD-skeiðið, við heitinum “Ecologically relevant oceanographic processes in the Northeastern Atlantic” er nú lokið. Allir 14 næmingarnir stóðu royndina og hava fingið prógv frá Fróðskaparsetri Føroya. Granskarar á Havstovuni og…
Havstovan á Náttúruráðstevnu í Norðurlandahúsinum
Á Náttúruráðstevnuni, sum var í Norðurlandahúsinum týsdagin 3. oktober, hevði Sólvá Jacobsen, lívføðingur á Havstovuni, eina framløgu. Hon greiddi frá náttúruni í havinum og um týdningin av at fáa meiri…
Verkstova um havgransking í Nuuk
Granskarar á Havstovuni eru júst heimkomnir av verkstovu í Nuuk millum samstarvspartarnar í granskingarskránni um Havgransking í Norðuratlantshavi. Á verkstovuni vóru fyribils úrslit frá teimum fýra verkætlanunum, sum byrjaðu í…
