Vís undanfarnu úrslit
Trýnisállur
Serrivomer beanii
Hann er langur og klænur, hevur állaskap. Hann hevur eina langa ryggfjøður, sum er umleið 2/3 fram á bakið. Gotfjøðurin er eitt sindur longri fram á fiskin. Uggafjaðrarnar eru heilt smáar. Hann hevur ikki búkfjaðrar og ikki roðslu. Høvdið er langt við nevlíkum kjafti, undirkjafturin er longri enn yvirkjafturin. Tenninar eru nógvar og rættiliga stórar. Eyguni sita beint yvir kjaftklovanum. Sporlið mjækkar aftur í endan og er umleið 73-80% av heildarlongdini. Stertur er eingin, fiskurin endar í einum spíssi, har ryggfjøður og gotfjøður renna saman aftast.
Útbreiðsla
Trýnisállur er á djúpum vatni frá Suðurafrika og Vesturafrika, Madeira og Asoroyggjum norður á Suðurlandið í Íslandi. Við Hattonbanka, á Reykjanesrygginum og Íslandsrygginum. Eisini í Indiahavinum og Kyrrahavinum. Undir Føroyum er hann í hellingunum sunnanfyri og vestanfyri.
Stødd
Trýnisállur verður upp í 78 cm langur.
Dýpi
Gamal fiskur er úr 150 m niður á 3000 m. Larvurnar eru í teimum ovastu 300 metrunum.
Litur
Hann er dimmsilvurgráur / -brúnur, høvdið er mest sum svart / blásvart.
Eyðkenni
Állaskapið, nevið og liturin eyðkenna trýnisállin.
Týdningur
Trýnisállur hevur ikki vinnuligan týdning.
Nøvn á fiski á øðrum máli
| Før: | Trýnisállur |
| Lat: | Serrivomer beani |
| Eng: | Beans sawtoothed eel |
| Ísl: | Trjónuál, Rósafiskur |
Vit viðmæla
Viðkomandi tíðindi
Jákup Sverri liðugur við sildakanningar
Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…
Svartkjaftakanningar sunnanfyri
Ekkókanningar av svartkjafti sunnan fyri Føroyar og suður í bretskan og írskan sjógv vóru gjørdar í tíðarskeiðinum 20. mars til 5. apríl 2024. Ekkóvirðir (nøgd) av svartkjafti, Jákup Sverri 20/3-5/4…
Framvegis nógv av toski á Føroyabanka, sum tó er rak í mun til onnur ár
Árligu vár-yvirlitstrolingarnar á Føroyabanka vóru gjørdar tann 13.-17. mars 2024 við rannsóknarskipinum “Jákup Sverra”. Einans 13 trolstøðir av 29 vórðu kannaðar í ár, av tí at Jákup Sverri fekk tekniskar…
Eitt vet meira av toski á føroyska landgrunninum
Rannsóknarskipið “Jákup Sverri” hevur gjørt ta árligu váryvirlitstrolingina á føroyska landgrunninum, har 100 hál á ein tíma vóru tikin. Tað var framvegis sera lítið at fáa av toski, men kortini…
