Taralonga

Taralonga er botnfiskur. Hon er long og smidlig. Kroppurin nakað avlangur í tvørskurði. Kjafturin er stórur við stórum granum. Ryggfjøðurin og gotfjøðurin renna saman í ein spíss aftast, so at eingin stertur er. Aftarlaga á ryggfjøðurini er eitt týðiligt innvik. Aftanvert innvikið hevur ryggfjøðurin harðar teinar. Beinagrindin er grøn.

Sermerkt: Taralongur hava innvortis gitna og eggini verða troðin í august, men ungarnir verða ikki lagdir fyrr enn síðst í januar og líkjast tá smáum útgávum av vaksna fiskinum. Í longu burðartíðini mennast fisklarvurnar fyrst inni i eggunum, síðani verða eggini klakt og fiskalarvurnar mennast víðari inni í kvennfiskinum við at súgva smáar útposingar, sum minna um vørtir. Umframt at geva ungunum føði, virka útposingarnar eisini sum lungu, sum flyta súrevni frá mammuni til ungarnar. Tá ungarnir so verða lagdir, eru teir 3,5-5,5 cm langir. Teir eru glarir við fáum pigmentum, men líkjast í aðrar mátar vaksna fiskinum. Eftir bert fáum tímum byrja teir at liva eins og foreldrini.