Aftur til 
Vís undanfarnu úrslit
Centrolophus niger
Svartfiskur er smalur og nakað hávaksin. Hann hevur eina langa ryggfjøður, eina langa gotfjøður og stóran, sýldan stert. Strikan er bogin yvir uggafjøðurini. Hann hevur lítlan kjaft, og gronin er eitt sindur longur enn eygnatvørmátið. Kjaftklovin røkkur til fremru rond á eygunum. Høvdið er umleið eins langt og kropshæddin við gotið. Fremri endi á ryggfjøðurini er aftari enn uggafjøðurfestið.
Hann er um alt Landnyrðingsatlantshavið, norður til Íslands og Finnmørkina og nakað inn í Miðjarðarhavið. Hann fæst av og á undir Føroyum, kanska serliga sunnanfyri og vestanfyri. Frá Labrador til Bermuda. Í Suðuratlantshavinum, Indiahavinum og Kyrrahavinum.
Stødd
Svartfiskur sigst at kunna verða upp í 150 cm langur, men undir Føroyum hevur eingin verið longri enn 60-70 cm. Undir Íslandi 95 cm.
Dýpi
Hann er bæði uppi í sjónum og við botnin, niður á 650 m.
Litur
Hann er svartur við einum farra av gráum ella brúnligum uppií. Undir búkinum er hann eitt sindur ljósari.
Eyðkenni
Tann dimmi liturin, rundleidda gronin og tunnvaksni kroppurin.
Týdningur
Svartfiskur hevur ikki vinnuligan týdning.
| Før: | Svartfiskur |
| Lat: | Centrolophus niger, Centrolophus pompilus |
| Dan: | Sortfisk |
| Eng: | Blackfish, Black fish, Rudderfish |
| Fra: | Centrolophe noir |
| Gri: | Mavropsaro |
| Ísl: | Svarthveðnir, Hvednir |
| Ita: | Pesce figo, Fanfano |
| Ned: | Zwarte vis |
| Nor: | Svartfisk |
| Pol: | Pompil |
| Por: | Liro-preto |
| Spa: | Romerillo, Pàmpol |
| Sve: | Svartfisk |
| Týs: | Schwarzfisch |
| USA: | Black ruff |
Týsdagin 19. desember 2023 var árliga lutakastið um 12.500 kr millum teirra, ið hava latið fiskamerki inn farna árið. Tað var virkið ”NFCS Northern Fish Cold Storage” í Klaksvík, sum…
Tann 12. desember 2023 lat Havstovan Fiskimálaráðnum tilmælið um fiskiskap eftir toski, hýsu og upsa í 2024. Í eini roynd at endurreisa toskastovnin á føroyska landgrunninum verður mælt til at…
Altjóða havrannsóknarstovnurin ICES kunngjørdi í dag nýggjastu ráðgevingina fyri hýsu og upsa í føroyskum havøki. Ráðgevingin byggir á nýggjastu stovnsmetingarnar av hesum fiskastovnum. ICES mælir til, at veiðan av hýsu…
Rannsóknarskipið Jákup Sverri er júst liðugur árliga merkingartúrin. Í ár var dentur lagdur á at merkja fisk á Føroyabanka, tí nú er aftur væl at fáa av toski. Eisini er…
Mánadag – hósdag: 09.00 – 16.00
Fríggjadag: 09.00 – 15.30
Tlf: +298 35 39 00
