Streymsild

Argentina sphyraena

Streymsild er mjáur og langvaksin fiskur, og tvørskurðurin er nærum fýrkantaður. Hon hevur smáar fjaðrar, eina lítla ryggfjøður, ið situr beint framman fyri miðjuna á fiskinum. Hon hevur eina lítla fitifjøður aftur móti klingruni, eina lítla gotfjøður aftur móti klingruni. Sterturin er nógv sýldur. Høvdið er rættiliga stórt. Hon hevur stutta gron og stór eygu. Trantlongdin er eins long og eygnastøddin, kanska heldur longri. Eitt sindur súrligur roykur gongur at nýveiddum fiski.

Útbreiðsla

Streymsild er undir Íslandi, Føroyum og frá Tróndheimsleiðini til Vesturafrika, í norðara parti av Norðsjónum og í vestara parti av Miðjarðarhavinum.

Stødd

Streymsild verður upp í 30-35 cm, men er vanliga minni.

Dýpi

Hon er vanliga á dýpi millum 18 og 200 m, men er helst eisini djúpari enn 450 m.

Litur

Hon er ljóst olivingrøn um bakið, silvurblonk um síðurnar og gylt undir búkinum.

Eyðkenni

Streymsild líkist nógv gulllaksi. Er fiskurin størri enn 30-35 cm, er lítið at ivast í, at tað er gulllaksur. Streymsildin hevur 50-54 roðslur eftir strikuni.

Týdningur

Streymsild hevur lítlan týdning, kanska nakað í ídnaðarfiskiskapi.

Nøvn á fiski á øðrum máli

Før:	Streymsild
Lat:	Argentina sphyraena
Dan:	Strømsild
Eng:	Lesser argentine, Argentine, Lesser silver smelt
Fin:	Hopeakuore, Hopeakala
Fra:	Petite argentine, Argentine, Éperlan
Gri:	Gourlomátis
Ísl:	Litli gulllax
Ita:	Argentina
Ned:	Zilversmelt, Zilvervijs
Nor:	Straumsild, Strømsild
Pol:	Argentina smukla, Strebrzyk smukly
Por:	Biqueirâo branco
Rus:	Argentina
Spa:	Pez Plata, Abishoya, Argentina, Bocón, Chaclet, Peix de plata, Péon, Pigudo, Polido, Sula de altura
Sve:	Silverfisk, Strømsill
Týs:	Glasauge, Glassauge

Vit viðmæla

Havið

Lívið í havinum

Fiskur

Beinfiskar

Viðkomandi tíðindi

Øll tíðindi

Tí er nógvur toskur at fáa í løtuni
07/04-2025
Tað frættist, at bátar fáa nógvan fisk á várróðrinum í ár. Gýtingartíð er, og tí er meginparturin av toskinum á føroyska landgrunninum savnaður á gýtingarøkjum. Hesi økini eru, har bátarnir…
Les meira
Tilmæli 2025
16/12-2024
Tann 13. desember 2024 lat Havstovan Fiskimálaráðnum tilmæli um fiskiskap eftir toski, hýsu og upsa í 2025. Hýsustovnurin er enn væl fyri, og upsastovnurin er eisini oman fyri fyrivarnismørkini. Fyri…
Les meira
ICES-tilmæli fyri botnfisk 2025
29/11-2024
Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu stovnsmetingarnar av hesum fiskastovnum. Tilmælini kunnu lesast á heimasíðuni hjá…
Les meira
Jákup Sverri fiskar til Sjósavnið
07/10-2024
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…
Les meira