Aftur til 
Vís undanfarnu úrslit
Chauliodus sloani
Sloans ormsfiskur er klænur fiskur við stuttum, men stórum høvdi. Kjafturin er stórur við ógvisliga stórum tonnum, langar, spískar og nakað bogaðar innyvir. Við afturlatnum kjafti standa tenninar í undirkjaftinum upp við gronini. Hann hevur lítla ryggfjøður næstan frammi við nakkan, fremsti teinur umleið 3 ferðir longri enn hinir. Uggafjaðrarnar eru heilt frammi við kápuna. Búkfjaðrarnar eru frammanvert miðjuna. Gotfjøðurin er heilt afturi við klingruna. Hann hevur eina fitifjøðurlíka fjøður oman á sporlinum og eina framman fyri gotfjøðurina. Hann hevur smá ljósgøgn, eini 50 niðast eftir síðunum, frá ugganum aftur til stertin.
Hann er vanligur norður til 55° í Atlantshavinum, sløðist til Føroya og Íslands. Hann er fingin sunnan fyri Føroyabanka og Ytrabanka umframt á Íslandsrygginum. Hann er annars í øllum teimum heitu og flógvu høvunum, heilt suður á umleið 45°S.
Stødd
Sloans ormsfiskur verður upp í 35 cm langur.
Dýpi
Hann fer djúpari enn 1000 m um dagin, kanska niður á 2800 m og upp undir vatnskorpuna á nátt. Hann er fingin við botná Íslandsrygginum á umleið 450 m.
Litur
Hann hevur ælabogalitir um síðurnar, silvurblankur um kápuna, svart-silvurbláligur um bakið og undir búkinum.
Eyðkenni
Stóru og hvøssu tenninar, ljósgøgnini, klæna skapið.
Týdningur
Hann hevur ikki vinnuligan týdning.
| Før: | Sloans ormsfiskur |
| Lat: | Chauliodus sloani |
| Dan: | Sabeltandfisk, Segltandfisk |
| Eng: | Sloan’s Faugfish |
| Fin: | Sapelihammaskala |
| Fra: | Chauliode de sloane |
| Ísl: | Slóans gelgja |
| Ita: | Vipera di mare |
| Jap: | Hôrai-eso |
| Nor: | Huggormfisk |
| Sve: | Huggormsfisk |
| USA: | Sloan’s fangfish |
Týsdagin 19. desember 2023 var árliga lutakastið um 12.500 kr millum teirra, ið hava latið fiskamerki inn farna árið. Tað var virkið ”NFCS Northern Fish Cold Storage” í Klaksvík, sum…
Tann 12. desember 2023 lat Havstovan Fiskimálaráðnum tilmælið um fiskiskap eftir toski, hýsu og upsa í 2024. Í eini roynd at endurreisa toskastovnin á føroyska landgrunninum verður mælt til at…
Altjóða havrannsóknarstovnurin ICES kunngjørdi í dag nýggjastu ráðgevingina fyri hýsu og upsa í føroyskum havøki. Ráðgevingin byggir á nýggjastu stovnsmetingarnar av hesum fiskastovnum. ICES mælir til, at veiðan av hýsu…
Rannsóknarskipið Jákup Sverri er júst liðugur árliga merkingartúrin. Í ár var dentur lagdur á at merkja fisk á Føroyabanka, tí nú er aftur væl at fáa av toski. Eisini er…
Mánadag – hósdag: 09.00 – 16.00
Fríggjadag: 09.00 – 15.30
Tlf: +298 35 39 00
