Vís undanfarnu úrslit
Slætthøvd
Alepocephalus bairdii
Slætthøvd er rundvaksin, hyldligur fiskur, nakað breiður eftir hæddini. Tað hevur eina lága ryggfjøður aftur móti klingruni. Tað hevur eina gotfjøður beint undir og eitt vet aftari enn ryggfjøðurin. Sterturin er rættiliga nógv sýldur. Tað hevur smáar búkfjaðrar og smáar uggafjaðrar. Høvdið er langt, gronin er kubbut og sneidd, og tað hevur rættiliga stór eygu. Kennist vatnut, kleimið. Tað hevur stóra og leysa roðslu, 63-67 roðslur eru eftir tí beinu strikuni. Kápan er rættiliga long og endar niðast í einum skørpum horni. Tað hevur smáar tenn, og kjafturin kemur aftur um eygað.
Útbreiðsla
Slætthøvd er vestan fyri Føroyar, suður um Ísland í Grønlandsfjørð. Undan Føroyum suður til Porcupinebankan. Einstakir sløðast longur suðuri, til Móritania. Í vestara parti av Atlantshavinum er tað frá Labrador til Florida.
Stødd
Slætthøvd verður upp í umleið 100 cm langt.
Dýpi
Tað er á djúpum vatni, vanliga millum 700 m og 1000 m, men er tó uppi á 300 m og eisini niðri á 1700 m dýpi.
Litur
Tað er javnt myrkabrúnt-blásvart um allan kroppin. Dimmblátt í kjaftinum og táknaholunum.
Eyðkenni
Kjaftlongdin. Roðslan kemur nakað inn á bæði ryggfjøður og gotfjøður. Roðslutalið eftir strikuni, gronin, liturin og skapið.
Týdningur
Slætthøvd hevur ikki vinnuligan týdning.
Nøvn á fiski á øðrum máli
| Før: | Glámur, Slætthøvd |
| Lat: | Alepocephalus bairdii |
| Dan: | Baird’s glathovedfisk |
| Eng: | Bairds smoothhead |
| Fra: | Mulet noir |
| Ísl: | Gjølnir |
| Por: | Celindra |
| Spa: | Alepocefalo |
| Týs: | Glattkopf |
Vit viðmæla
Viðkomandi tíðindi
Jákup Sverri liðugur við sildakanningar
Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…
Svartkjaftakanningar sunnanfyri
Ekkókanningar av svartkjafti sunnan fyri Føroyar og suður í bretskan og írskan sjógv vóru gjørdar í tíðarskeiðinum 20. mars til 5. apríl 2024. Ekkóvirðir (nøgd) av svartkjafti, Jákup Sverri 20/3-5/4…
Framvegis nógv av toski á Føroyabanka, sum tó er rak í mun til onnur ár
Árligu vár-yvirlitstrolingarnar á Føroyabanka vóru gjørdar tann 13.-17. mars 2024 við rannsóknarskipinum “Jákup Sverra”. Einans 13 trolstøðir av 29 vórðu kannaðar í ár, av tí at Jákup Sverri fekk tekniskar…
Eitt vet meira av toski á føroyska landgrunninum
Rannsóknarskipið “Jákup Sverri” hevur gjørt ta árligu váryvirlitstrolingina á føroyska landgrunninum, har 100 hál á ein tíma vóru tikin. Tað var framvegis sera lítið at fáa av toski, men kortini…
