Reyði knurrhani

Chelidonichthys lucerna

Reyði knurrhani hevur tvær ryggfjaðrar. Tann fremra er stutt, men høg framman. Hin aftara er lægri og longri. Hann hevur eina gotfjøður á leið sum aftara ryggfjøður. Hann hevur langar uggafjaðrar, ið røkka aftur um fremra enda á gotfjøðurini. Tríggir teir niðastu teinarnir í uggafjaðrunum eru berir og minna um trý bein. Strikan er jøvn og bein. Reyði knurrhani er harður, skrubbutur og hvassur at føla. Fremst á hvørjum horni á gronini er eitt ‘horn’ hvørjumegin, so gronin sær fýrkantað út.

Útbreiðsla

Reyði knurrhani er fýra ferðir skrásettur undir Føroyum, og tað var í árunum 1954 til 2004. Annars er hann frá Vesturafrika til Norðurnoregs, í Norðsjónum og runt Bretsku Oyggjarnar, í Skagerrak og Kattegat, Miðjarðarhavinum og Svartahavinum.

Stødd

Reyði knurrhani verður upp í 75 cm langur. Vanlig stødd 25-50 cm.

Dýpi

Hann er úr 20 m niður á 300 m.

Litur

Hann er ljósareyður ella reyðbrúnur um bakið, ljósari um síðurnar og gylt-hvítur undir búkinum. Uggafjaðrarnar eru ljósareyð/viólbláar ella bláligar, grøn- ella hvítblettutar. Jaðararnir á uggafjaðrunum eru ljósabláir ella reyðir.

Eyðkenni

Kennist frá knurrhana, mest á litinum, men eisini at uggafjaðrarnar koma aftur um fremra enda á gotfjøðurini. Fýrkantaða gronin. Nýveiddur er hann so reyður, at hann lýsir upp á dekkinum. Tey trý ’beinini’ í uggafjaðrunum.

Týdningur

Hann hevur ikki vinnuligan týdning her á landi, men aðrastaðni verður hann veiddur til matna.

Nøvn á fiski á øðrum máli

Før:	Reyði knurrhani
Lat:	Chelidonichthys lucernus, Trigla lucerna
Dan:	Rød knurhane
Eng:	Tub gurnard, Gawdnie, Latchet, Sapphirine gurnard, Tubefish, Yellow gurnard
Fin:	Isokurnusimppu
Fra:	Grondin perlon, Dauphin, Mouline, Mulonia, Papillon, Perlan, Petite gueudais bleue, Pirelon, Pirloina, Pirlon, Rouget, Surmulet, Tombe, Triglo hirondelle
Ita:	Capone gallinella, Coccio
Jap:	Hobo no rui
Ned:	Rode poon, Rozet
Nor:	Rødknurr, Knurrkonge
Pol:	Kurek czerwony
Por:	Cabra cabaço, Cabrinha, Ruivo
Rus:	Trigla
Spa:	Alfondiga, Bejel, Colorado, Golondrina, Rubio
Sve:	Fenknot, Rød knorrhane, Storgnoding
Týs:	Roter Knurrhahn, Seesschwalbe

Vit viðmæla

Havið

Lívið í havinum

Fiskur

Beinfiskar

Viðkomandi tíðindi

Øll tíðindi

Virkið ”NFCS Northern Fish Cold Storage” vann lutakast
19/12-2023
Týsdagin 19. desember 2023 var árliga lutakastið um 12.500 kr millum teirra, ið hava latið fiskamerki inn farna árið. Tað var virkið ”NFCS Northern Fish Cold Storage” í Klaksvík, sum…
Les meira
Tilmæli 2024
19/12-2023
Tann 12. desember 2023 lat Havstovan Fiskimálaráðnum tilmælið um fiskiskap eftir toski, hýsu og upsa í 2024. Í eini roynd at endurreisa toskastovnin á føroyska landgrunninum verður mælt til at…
Les meira
ICES-tilmæli fyri botnfisk 2024
24/11-2023
Altjóða havrannsóknarstovnurin ICES kunngjørdi í dag nýggjastu ráðgevingina fyri hýsu og upsa í føroyskum havøki. Ráðgevingin byggir á nýggjastu stovnsmetingarnar av hesum fiskastovnum. ICES mælir til, at veiðan av hýsu…
Les meira
Merking av fiski á Føroyabanka
13/10-2023
Rannsóknarskipið Jákup Sverri er júst liðugur árliga merkingartúrin. Í ár var dentur lagdur á at merkja fisk á Føroyabanka, tí nú er aftur væl at fáa av toski. Eisini er…
Les meira