Lodna

Lodna er mjávaksin fiskur, javnt høgfrá høvdi til got. Hon hevur eina ryggfjøður mitt á bakinum. Hon hevur eina fitifjøður, festið er minst 1,5 ferðir longri enn hæddin. Hon hevur eina gotfjøður. Búkfjaðrarnar sita mitt á fiskinum, undir fremra enda á ryggfjøðurini. Uggafjaðrarnar eru heldur stórar og eru niðarlaga á uggunum. Kynini bæði hava eitt sindur ymiska útsjónd, serliga í gýtingartíðini. Teir vaksnu siljafiskarnir eru lodnir á síðunum og hava størri uggafjaðrar. Roðslan er lítil og tunn. Strikan er bein og gongur frá kápuni aftur í stertin. Ein súrligur, agurkukendur roykur gongur at henni.