Aftur til 
Vís undanfarnu úrslit
Anarhichas minor
Liri er nakað mjávaksin fiskur, hann er hægri, enn hann er breiður. Hann hevur eina ryggfjøður av nakkanum aftur í klingruna. Hann hevur eina gotfjøður frá gotinum aftur í klingruna. Hann hevur heldur lítlan stert, stórar uggafjaðrar og ongar búkfjaðrar. Høvdið er lítið og rundleitt, tykist nakað kubbut, við stuttari og rundari gron. Hann hevur stórar, framstandandi og avrundaðar, sterkar tenn. Hann bítur ógvuliga fast. Hann hevur smá eygu, ið sita rættiliga tætt saman, ovarlaga á høvdinum.
Liri er í Grønlandi til Barentshavið, undir Íslandi, Føroyum, við Hetland og Noreg. Vestanfyri er hann úr Baffinsflógva til Massachussetts.
Stødd
Liri verður upp í 180 cm langur, men er vanliga ikki longur enn 120 cm.
Dýpi
Hann er úr umleið 25 metra dýpi niður á 600 metra dýpi.
Litur
Hann er gulgráur-tanggrønur við nógvum, heldur stórligum, gulbrúnum, myrkum-svørtum blettum á høvdi, baki og síðum, ljósari undir búkinum. Afturrondin á stertinum er ljós.
Eyðkenni
Liri kennist frá øðrum steinbítasløgum serliga á tí blettutu skræðuni. Høvdið er lutfalsliga størri enn á steinbíti.
Týdningur
Liri verður avreiddur, men nøgdirnar eru ikki stórar.
| Før: | Liri, Steinbítsbróðir |
| Lat: | Anarhichas minor |
| Dan: | Plettet havkat, Tigerplettet havkat |
| Eng: | Spotted wolffish, Smaller catfish, Spotted catfish |
| Fin: | Meripantteri |
| Fra: | Loup tacheté |
| Grø: | Qeeraq milattooq, Kaerrak, Kêrak, Qeeqqat, Qêraq |
| Ísl: | Hlýri |
| Ita: | Bavosa lupa |
| Ned: | Gevlekte zeewolf |
| Nor: | Flekksteinbit |
| Pol: | Zebracz plamisty, Zebacz pstry |
| Por: | Gata |
| Rus: | Pestraja zubatka |
| Týs: | Gefleckter Katfisch |
| USA: | Spotted wolffish |
Týsdagin 19. desember 2023 var árliga lutakastið um 12.500 kr millum teirra, ið hava latið fiskamerki inn farna árið. Tað var virkið ”NFCS Northern Fish Cold Storage” í Klaksvík, sum…
Tann 12. desember 2023 lat Havstovan Fiskimálaráðnum tilmælið um fiskiskap eftir toski, hýsu og upsa í 2024. Í eini roynd at endurreisa toskastovnin á føroyska landgrunninum verður mælt til at…
Altjóða havrannsóknarstovnurin ICES kunngjørdi í dag nýggjastu ráðgevingina fyri hýsu og upsa í føroyskum havøki. Ráðgevingin byggir á nýggjastu stovnsmetingarnar av hesum fiskastovnum. ICES mælir til, at veiðan av hýsu…
Rannsóknarskipið Jákup Sverri er júst liðugur árliga merkingartúrin. Í ár var dentur lagdur á at merkja fisk á Føroyabanka, tí nú er aftur væl at fáa av toski. Eisini er…
Mánadag – hósdag: 09.00 – 16.00
Fríggjadag: 09.00 – 15.30
Tlf: +298 35 39 00
