Laksur

Salmo salar

Laksur er smidligur fiskur. Hann hevur eina ryggfjøður mitt á bakinum, eina lítla fitifjøður aftarlaga móti klingruni og eina gotfjøður, har aftari endi er umleið undir fitifjøðurini. Sterturin er nakað innbogin. Strikan er bein. Siljafiskar fáa stóran krók á undirkjaftin í gýtingartíðini um heystið. Kjaftbeinini røkka umleið inn undir aftaru rond á eygunum. Anadromur fiskur.

Útbreiðsla

Hann er fram við landi og á víðum havi, frá Norðurportugal til Hvítahavið. Í Eystarasalti, við Bretsku Oyggjarnar, undir Føroyum, Íslandi, við Jan Mayen og í Grønlandi. Hann er frá Labrador til Connecticut. Í áum og vøtnum í hesum somu londum.

Stødd

Hann verður upp í 150 cm langur.

Dýpi

Umframt at vera í áum og vøtnum er laksur eisini í sjónum, úr vatnskorpuni og niður á kanska 140 m, og helst eisini djúpari.

Litur

Laksur er svartbláur um bakið, silvurskínandi um síðurnar, og undir búkinum er hann hvítligur, rómalittur. Ójavnir, svartir blettir eru um síðurnar, á kápuni og kjálkunum. Í gýtingartíðini um heystið skiftir laksur lit og verður brúnligur við blettum. Fiskurin í laksi er ljósareyður.

Eyðkenni

Laksur kann verða mistikin fyri sjósíl. Laksur hevur úr 10 upp í 13, vanliga 11, roðslur frá fitifjøðurini til strikuna. Á fremsta táknaboga, inni í boganum, eru táknatindarnir allir rættiligir tindar.

Týdningur

Laksur hevur stóran vinnuligan týdning.

Tað er óvist, um laksur fyrr í tíðini hevur verið í føroyskum áum, men laksurin nú í tíðini er innfluttur úr útlondum og settur út í ávísar áir her.

Nøvn á fiski á øðrum máli

Før:	Laksur, Smolt
Lat:	Salmo salar
Dan:	Laks
Eng:	Salmon, Baggit, Beastie, Beikat, Ben, Bradan, Brankie, Brannock, Candaraig, Candavaig, Caul iron, Cockspur, Dukes fish, Grey salmon, Grilse, Iasg druimein, Kelt, Kipper, Lax, Ligger fish, Parr, Queer fella, Queer fish, Rawner, Red fish, Reister, Ronnal, Smolt
Fin:	Lohi, Lohki
Fra:	Saumon
Gri:	Solomós
Grø:	Atlantikup kapisilia, Kapisilik
Ísl:	Lax
Ita:	Salmone, Salmone del Renq
Jap:	Sake masu rui
Ned:	Zalm
Nor:	Laks
Pol:	Losos, Tosos
Por:	Salmão
Rus:	Semga, Loso’s, Sjomga
Spa:	Salmón
Sve:	Lax
Týs:	Lachs, Stint
USA:	Salmon

Vit viðmæla

Havið

Lívið í havinum

Fiskur

Beinfiskar

Viðkomandi tíðindi

Øll tíðindi

Virkið ”NFCS Northern Fish Cold Storage” vann lutakast
19/12-2023
Týsdagin 19. desember 2023 var árliga lutakastið um 12.500 kr millum teirra, ið hava latið fiskamerki inn farna árið. Tað var virkið ”NFCS Northern Fish Cold Storage” í Klaksvík, sum…
Les meira
Tilmæli 2024
19/12-2023
Tann 12. desember 2023 lat Havstovan Fiskimálaráðnum tilmælið um fiskiskap eftir toski, hýsu og upsa í 2024. Í eini roynd at endurreisa toskastovnin á føroyska landgrunninum verður mælt til at…
Les meira
ICES-tilmæli fyri botnfisk 2024
24/11-2023
Altjóða havrannsóknarstovnurin ICES kunngjørdi í dag nýggjastu ráðgevingina fyri hýsu og upsa í føroyskum havøki. Ráðgevingin byggir á nýggjastu stovnsmetingarnar av hesum fiskastovnum. ICES mælir til, at veiðan av hýsu…
Les meira
Merking av fiski á Føroyabanka
13/10-2023
Rannsóknarskipið Jákup Sverri er júst liðugur árliga merkingartúrin. Í ár var dentur lagdur á at merkja fisk á Føroyabanka, tí nú er aftur væl at fáa av toski. Eisini er…
Les meira