Aftur til 
Vís undanfarnu úrslit
Oncorhynchus gorbuscha
Kúlulaksur er smidligur fiskur. Hann hevur eina ryggfjøður mitt á bakinum, eina fitifjøður aftur móti klingruni, hon er væl størri enn á øðrum laksafiskum. Sterturin er nakað innbogin. Strikan er bein. Í gýtingini fáa siljafiskarnir stóra kúlu á bakið og krók á undirkjaftin.
Upprunaliga er hetta ein laksur úr norðasta partinum av Kyrrahavinum. Aliroyndir vórðu gjørdar í Norðurrusslandi, og haðani komu nakrir teirra til Føroya, m.a. er hann fingin í Hvalvík, í Sørvági og á Tvøroyri.
Stødd
Hann verður upp í 76 cm langur, vanliga umleið 55 cm.
Dýpi
Anadromur fiskur. Í sjónum er hann úr vatnskorpuni og niður á 50 metrar.
Litur
Kúlulaksur er silvurblankur um síðurnar og bláur ella blágrønur um bakið, hvítligur undir búkinum. Hann hevur stórar, dimmar blettir um bakið og á stertinum. Í gýtingini skiftir hann lit, verður dimmur um bakið, síðurnar verða reydligar við brúngrønligum blettum. Rognafiskar fáa sama lit, men minni ógvisligt.
Eyðkenni
Ovara kjaftbein røkkur væl aftur um eygað. Hann hevur stóra fitifjøður og blettir á stertinum. Í gýtingini er kúlan á bakinum á siljafiski gott eyðkenni.
Týdningur
Kúlulaksur hevur stóran týdning, nógv verður bæði fiskað og alið tó ikki í Føroyum.
| Før: | Kúlulaksur |
| Lat: | Oncorhynchus gorbuscha |
| Ala: | Amarturpiaq |
| Dan: | Pukkellaks |
| Eng: | Pink salmon, Humpback salmon |
| Fin: | Kyttyrälohi |
| Fra: | Saumon rose, Saumon a bosse |
| Gri: | Roz solomós |
| Ísl: | Bleiklax, Hnúðlax |
| Ita: | Salmone rosa |
| Jap: | Karafutomasu, Sepparimasu |
| Ned: | Rode zalm, Pink zalm, Roze zalm |
| Nor: | Pukkellaks |
| Por: | Salmão rosa |
| Rus: | Kraska-balyk, Gorbuscha, Krasnina, Kykhyl-balyk, Uru |
| Spa: | Salmón rosado |
| Sve: | Puckellax |
| Týs: | Buckellachs, Rosa Lachs |
| USA: | Pink salmon |
Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…
Ekkókanningar av svartkjafti sunnan fyri Føroyar og suður í bretskan og írskan sjógv vóru gjørdar í tíðarskeiðinum 20. mars til 5. apríl 2024. Ekkóvirðir (nøgd) av svartkjafti, Jákup Sverri 20/3-5/4…
Árligu vár-yvirlitstrolingarnar á Føroyabanka vóru gjørdar tann 13.-17. mars 2024 við rannsóknarskipinum “Jákup Sverra”. Einans 13 trolstøðir av 29 vórðu kannaðar í ár, av tí at Jákup Sverri fekk tekniskar…
Rannsóknarskipið “Jákup Sverri” hevur gjørt ta árligu váryvirlitstrolingina á føroyska landgrunninum, har 100 hál á ein tíma vóru tikin. Tað var framvegis sera lítið at fáa av toski, men kortini…
Mánadag – hósdag: 09.00 – 16.00
Fríggjadag: 09.00 – 15.30
Tlf: +298 35 39 00
