Aftur til 
Vís undanfarnu úrslit
Synaphobranchus kaupii
Djúpállur hevur állaskap, hann hevur ikki stert. Ryggfjøðurin er styttri enn gotfjøðurin, og báðar renna saman í ein spíss aftast. Gotfjøðurin byrjar beint aftan fyri gotið og er umleið 70% av heildarlongdini. Táknaopini eru smá og sita undir øsinum millum ella beint framman fyri uggafjaðrarnar. Kjaftarnir eru javnlangir. Gapið er stórt og kemur væl aftur um eyguni.
Hann sæst oftast í hellingunum. Hann er av Suðurlandinum í Íslandi til Føroya. Hann er á Reykjanesrygginum, við Asoroyggjarnar, Namibia, Nigeria og Suðurafrika. Hann er í Grønlandi og Nýfundlandi til Bahamaoyggjarnar. Hann er eisini í Kyrrahavinum, við Japan, Avstralia og Hawaii, umframt í Indiahavinum. Undir Føroyum fæst hann á djúpum vatni sunnanfyri og vestanfyri og er ikki so óvanligur í veiðuni.
Stødd
Umleið 100 cm er tað longsta, djúpállur verður. Teir, ið veiddir eru undir Føroyum, hava ligið um 30-65 cm.
Dýpi
Hann er úr 250 m niður á 3600 metra dýpi.
Litur
Djúpállur er brúnur, nakað gráligur, svartgrómutur. Hann er svartur inni í kjaftinum.
Eyðkenni
Djúpállur kennist frá hinum állunum m.a. á tí, at ryggfjøðurin er styttri enn gotfjøðurin, og at táknaopini sita inni undir øsinum, og so tað stóra gapið.
Týdningur
Hann hevur ikki vinnuligan týdning.
| Før: | Djúpállur |
| Lat: | Synaphobranchus kaupi |
| Azo: | Moreão-de-natura |
| Dan: | Spidssnudet dybhavsål |
| Eng: | Kaups arrowtooth eel, Cutthroat eel, Gray’s cutthroat, Slatjaw cutthroat eel |
| Fin: | Petoankerias |
| Fra: | Anguille égorgée de Gray |
| Ísl: | Djúpáll |
| Jap: | Irako-anago |
| Por: | Moreão-de-natura |
| Rus: | Dlinnonosyi ugor’ |
| USA: | Longnosed eel, Northern cutthroat eel |
Týsdagin 19. desember 2023 var árliga lutakastið um 12.500 kr millum teirra, ið hava latið fiskamerki inn farna árið. Tað var virkið ”NFCS Northern Fish Cold Storage” í Klaksvík, sum…
Tann 12. desember 2023 lat Havstovan Fiskimálaráðnum tilmælið um fiskiskap eftir toski, hýsu og upsa í 2024. Í eini roynd at endurreisa toskastovnin á føroyska landgrunninum verður mælt til at…
Altjóða havrannsóknarstovnurin ICES kunngjørdi í dag nýggjastu ráðgevingina fyri hýsu og upsa í føroyskum havøki. Ráðgevingin byggir á nýggjastu stovnsmetingarnar av hesum fiskastovnum. ICES mælir til, at veiðan av hýsu…
Rannsóknarskipið Jákup Sverri er júst liðugur árliga merkingartúrin. Í ár var dentur lagdur á at merkja fisk á Føroyabanka, tí nú er aftur væl at fáa av toski. Eisini er…
Mánadag – hósdag: 09.00 – 16.00
Fríggjadag: 09.00 – 15.30
Tlf: +298 35 39 00
