Vís undanfarnu úrslit
Bláriddari
Lepidion eques
Bláriddari hevur tvær ryggfjaðrar, tann fremra hevur 4 teinar, stutt, og fremsti teinur er í minsta lagi longri enn høvdið, ofta longri enn hálv heildarlongdin. Aftara ryggfjøður er long og byrjar yvir uggafjaðrafestinum og røkkur aftur til klingruna. Hann hevur eina langa gotfjøður, ið er úr klingruni fram um miðjuna á fiskinum. Hann hevur smáar búkfjaðrar, lítlan og avrundaðan stert og klæna klingru. Gotið er framman fyri miðjuna á fiskinum. Strikan er væl bogin yvir uggafjøðurina. Hann hevur finnu, lítið høvd og stór eygu, umleið eins stór og gronin.
Útbreiðsla
Gjøgnum hellingarnar frá Føroyum til Biskeiavíkina, til Íslands, Grønlands, Davisfjørðin, Labrador og Grand Banka. Á tindum og bankum úti í Atlantshavinum. Hann er vanlig hjáveiða á djúpum vatni vestan fyri og sunnan fyri Føroyar.
Stødd
Bláriddari verður upp í umleið 50 cm langur. Undir Føroyum er hann vanliga um 20-30 cm.
Dýpi
Hann er úr 125 metra dýpi niður á 1850 metra dýpi.
Litur
Hann er dimmur ella ljósareyðgráur um bakið og síðurnar, ljósagráur undir búkinum, ber á viólbláan lit, kanska serliga á støku fjaðrunum.
Eyðkenni
Tann lítla og høga fremra ryggfjøðurin. Lítli sterturin, klæna klingran og tann veiki viólliturin.
Týdningur
Bláriddari hevur ikki vinnuligan týdning.
Nøvn á fiski á øðrum máli
| Før: | Bláriddari |
| Lat: | Lepidion eques |
| Can: | Lépidion à grande yeux |
| Dan: | Blå ridder |
| Eng: | North Atlantic codling |
| Ísl: | Bláriddari |
| Nor: | Dypvannsmoride |
| Sve: | Brun djuphavstorsk |
Vit viðmæla
Viðkomandi tíðindi
Jákup Sverri liðugur við sildakanningar
Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…
Svartkjaftakanningar sunnanfyri
Ekkókanningar av svartkjafti sunnan fyri Føroyar og suður í bretskan og írskan sjógv vóru gjørdar í tíðarskeiðinum 20. mars til 5. apríl 2024. Ekkóvirðir (nøgd) av svartkjafti, Jákup Sverri 20/3-5/4…
Framvegis nógv av toski á Føroyabanka, sum tó er rak í mun til onnur ár
Árligu vár-yvirlitstrolingarnar á Føroyabanka vóru gjørdar tann 13.-17. mars 2024 við rannsóknarskipinum “Jákup Sverra”. Einans 13 trolstøðir av 29 vórðu kannaðar í ár, av tí at Jákup Sverri fekk tekniskar…
Eitt vet meira av toski á føroyska landgrunninum
Rannsóknarskipið “Jákup Sverri” hevur gjørt ta árligu váryvirlitstrolingina á føroyska landgrunninum, har 100 hál á ein tíma vóru tikin. Tað var framvegis sera lítið at fáa av toski, men kortini…
