Vís undanfarnu úrslit
Bláaskøta
Neoraja caerulea
Tranturin er ógvuliga stuttur og kubbutur. Ravarnir eru nógv rundaðir og nakað innbendir framman, útbendir aftan. Skivan er sum heild rundvaksin. Halin er væl longri enn skivan. Heldur hvøss um alt bakið. Upp í 12 smáir píkar eru við hvørt eygað, 1-3 á hvørji øksl, 4-6 píkar mitt millum akslarnar, og meira ella minni óregluligt rað av píkum, 33-58 mitt eftir bakinum og út til ytsta triðing av halanum. Á ravunum er eitt band av smáum hvøssum naddum sum sandpappír. Á blindusíðu er hon sløtt. Halasíðurnar eru hvassar. Ryggfjaðrarnar eru mestsum samanvaksnar. Stertur er næstan eingin.
Útbreiðsla
Hon er fingin í syðra parti í føroyskum sjóøki, suður av Lúsabanka og Ytrabanka. Er annars bert fingin í hellingunum undir Føroyum til Bretagne og í hellingunum í Rockallrennuni.
Stødd
Bláaskøta verður í mesta lagi 30 cm long, og hon er helst minsta skøta, ið er undir Føroyum.
Dýpi
Hon er botnfiskur úr umleið 600 metrum niður á 1260 metra dýpi.
Litur
Á bakinum er hon viólblá, viðhvørt er ein farri av brúnligum. Um halan eru 6-9 tvørbond. Blindasíða er oftast hvítlig, við brúnsvørtum kantum á skivuni og á aftara enda á búkfjaðrunum. Dimmir blettir eru mitt undir skivuni. Undir halanum er hon ljós. Onkrar skøtur eru dimmlittar undir skivuni.
Eyðkenni
Støddin, eingir píkar eru á aftasta triðingi á halanum, liturin á bakinum og avrundaða kropsskapið eyðkenna bláuskøtu.
Týdningur
Bláaskøta hevur ikki vinnuligan týdning.
Nøvn á fiski á øðrum máli
| Før: | Bláaskøta |
| Lat: | Breviraja caerulea |
| Eng: | Blue ray |
| Fra: | Raie bleue |
| Ísl: | Bláskata |
| Ned: | Blauwe dwergrog |
| Spa: | Raya azul |
Vit viðmæla
Viðkomandi tíðindi
Jákup Sverri liðugur við sildakanningar
Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…
Svartkjaftakanningar sunnanfyri
Ekkókanningar av svartkjafti sunnan fyri Føroyar og suður í bretskan og írskan sjógv vóru gjørdar í tíðarskeiðinum 20. mars til 5. apríl 2024. Ekkóvirðir (nøgd) av svartkjafti, Jákup Sverri 20/3-5/4…
Framvegis nógv av toski á Føroyabanka, sum tó er rak í mun til onnur ár
Árligu vár-yvirlitstrolingarnar á Føroyabanka vóru gjørdar tann 13.-17. mars 2024 við rannsóknarskipinum “Jákup Sverra”. Einans 13 trolstøðir av 29 vórðu kannaðar í ár, av tí at Jákup Sverri fekk tekniskar…
Eitt vet meira av toski á føroyska landgrunninum
Rannsóknarskipið “Jákup Sverri” hevur gjørt ta árligu váryvirlitstrolingina á føroyska landgrunninum, har 100 hál á ein tíma vóru tikin. Tað var framvegis sera lítið at fáa av toski, men kortini…
