Vís undanfarnu úrslit
Arktiskur prikkafiskur
Protomyctophum arcticum
Arktiskur prikkafiskur er lítil, nakað bulmikil fiskur. Hann hevur eina ryggfjøður, eina fitifjøður, smáar uggafjaðrar, smáar búkfjaðrar og stóra gotfjøður. Uggafjaðrarnar røkka ikki aftur til gotfjøðurina ella ryggfjøðurina. Heldur ikki búkfjaðrarnar røkka hagar. Sporlið omaná hevur næstan einki opið glopp, alt er sett við ryggfjøður og fitifjøður, og aftast við stertin er eitt ljósgagn. Smá ljósgøgn eru undir búkinum og fram við gotfjøðurini. Ljósgagnið oman á klingruni, er størri enn hini.
Útbreiðsla
Hann er fingin á djúpum vatni norðan fyri Føroyar. Annars frá Labrador og Nýfundlandi til Davisfjørðin, Eysturgrønlands, Norðurnoregs og Biskeia.
Stødd
Arktiskur prikkafiskur verður upp í umleið 6 cm langur.
Dýpi
Hann er miðsjóvarfiskur, úr 90 metrum niður á 850 metrar.
Litur
Hann er silvurblankur.
Eyðkenni
Fiskastøddin og ljósgøgnini. Undir sporlinum er týðiligt glopp millum tey bæði aftastu ljósgøgnini við stertin og tey, ið eru fremri.
Týdningur
Arktiskur prikkafiskur hevur ikki havt vinnuligan týdning.
Nøvn á fiski á øðrum máli
| Før: | Arktiskur prikkafiskur |
| Lat: | Protomyctophum arcticum |
| Azo: | Lobisomem, Divertido |
| Can: | Arctic telescope, Télescope arctique |
| Dan: | Arktisk prikfisk |
| Ísl: | Íshafslaxsíld |
| Nor: | Nordatlantisk lysprikkfisk |
| Rus: | Arkticskije svetjascijsja ancous |
| Sve: | Arktisk prickfisk |
Vit viðmæla
Viðkomandi tíðindi
Meir av toski og nógv av hýsu
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…
Gróðurin á Landgrunninum met góður í ár
Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…
Jákup Sverri aftur av makreltúri
Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi
Jákup Sverri kannað æti og fiskalarvur á Landgrunninum
Ta fyrstu tíðina eftir at rognkornini eru klækt, fáa fiskalarvurnar bert tikið smáa føði, sum fyri tað mesta er djóraæti, ið nýliga er gýtt. Fyri at djóraæti kann nørast og…
