Vís undanfarnu úrslit
Allir springararnir sunnanfyri
Springararnir, ið vóru merktir á Fuglafirði fyri góðari viku síðani, hava mestu tíðina hildið til í Hetlandsrennuni.
Tann eini merkti springarin, ið á byrja við fyrst fór norð um Føroyar, hevur hesa vikuna ferðast suður í Hetlandsrennuna, í júst sama økið, har hinir merktu springararnir hava hildið til. Hóast tað stundum bert vóru 20 fjórðingar ímillum hendan og hinar springararnar, so fóru teir ikki saman aftur. Áhugavert at hesin springarin, eftir einari viku og eini frástøðu á 150 fjórðingar, ferðast aftur til sama økið, har hinir merktu springararnir vóru staddir.
Ein merktur springari hevur ferðast vestureftir. Fyrstu dagarnar ferðaðist hann í ein útsynning, suður móti Rosemary bankanum, á 59 breiddarstigum, har hann helt til í nakrar dagar. Hann er síðani farin enn longur vestur.
Samband er ikki longur við tveir av sendarunum, so nú eru fýra eftir.
Viðkomandi tíðindi
TOPLINK – sambinding millum lond, hvalastovnar, granskarar og fólk í nærumhvørvum
TOPLINK verkætlanin, ið Havstovuni luttekur í, er eitt samstarv millum Føroyar og Grønland, har endamálið er at nema meira vitan um grindahval, bóghvítuhval og kjafthvítan- og skjórutan springara í Norðuratlantshavi.…
Springarin farin til stroks
Tann eini merkti springarin, sum fyri viku síðan var komin suður um Íslandsryggin, er nú farin beina kós vestureftir. Hann er farin tvørtur um Reykjanesryggin, er komin í Irmingarhavið og…
Merktu springararnir farnir í ymsar ættir
Springararnir, ið vóru merktir á Fuglafirði leygardagin 3. september 2022, og sum eftirfylgjandi fóru norður um oyggjarnar, eru farnir í ymsar ættir. Tann eini springarin fór skjótt vesturyvir, og hevur…
Teir merktu springararnir eru nú norðanfyri
Springararnir, ið vórðu merktir í Fuglafirði leygardagin 3. september 2022, eru farnir norð um oyggjarnar. Við góðari hjálp frá bátum, umframt skótum og fólki annars á sandinum, eydnaðist at reka…
